Psalms 74
Asaph phuah maskil ▼▼ 0 Thulu: Lailam ahikeh tumtheihlam kamzat hi kha ding khat.
1 Pasian aw, bang hangin kote hong nolh den na hi hiam? bBang hangin na lonona muna na tuute na hehna am in bii ahi hiam?
2 Tanglai-a na leisa mite, c
nangma goutanh dinga na tatsa behte - d
na tenna Zion Vum mangngilh kei in. e
3 Tawntung siatna lamah manawhin kal suan in, f
mun siangtho khempeuh gal in susia khin hi.
4 Kote tawh na kituahna munah na galte hawk uh hi;
amaute lim dingin dialkhaite a khai uh hi. g
5 Amaute singphatna muna hei tawi-a
sing banphuk mite bangin gamta uh hi. h
6 Amaute in a kikhuak zepna khempeuh i
heipi le heita in tenzan uh hi.
7 Amaute in na mun siangtho lei tawh cinin a haltum uh hi;
nangma Min tenna mun buahsak uh hi.
8 A lungsim un, “Tuate zanmangsak ni,” ci uh hi. j
Amaute in gam sunga Pasian kibiakna mun peuhmah a haltum uh hi.
9 Kote, lim lamdangte lah hong kipia loin k
kamsangte lah om nawn lo a, l
hih hun bangtan sawt ding cih a thei ka om kei uh hi.
10 Pasian aw, galte in nang bangtan vei hong simmawh lai ding uh hiam? m
Galte in na min daisak den ding uh ahi hiam? n
11 Bang hangin na khut dok kik na hi hiam, na taklam khut?
Na puan kawm pan lakhia inla amaute susia ve! o
12 Ahi hangin Pasian aw, tanglai-a kipanin ka kumpipa na hi a; p
leitungah hotkhiatna nong puak hi. q
13 Na vangliatna tawh tuipi a khenkham nangmah na hi-a;
tui sunga Leviathan lutangte na sukham hi. r
14 Tuisung ganhing Monster lutangte a suzan nangmah na hi-a,
sehnel-gam a ganhingte an dingin na pia hi.
15 Tuinakte le luite a phulkhiasakpa nangmah na hi-a;
a luanglai gunte a kangsakpa na hi hi. s
16 Sun nang aa hi-a, zan zong nangma aa mah ahi hi;
ni le kha nangma phuhsa ahi hi. t
17 Leitung gamgite khempeuh a khung nangmah na hi-a,
phalbi hun le khuakhal hun nangma bawlsa tuak ahi hi. u
18 TOPA aw, galte in nang hong selphozia uh le
mihaite in na min a daisakzia uh phawk gige in. v
19 Na vakhu’ nuntakna gamsa gilote tungah pia kei inla; w
a thuaksia na mite nuntakna mangngilh suak kei in. x
20 Leitung a mialna munte mi ngongtatte zualna mun suak ta ahi manin y
na thukhun hong thusim in. z
21 A kinengniamte maimawlsak kei inla; aa
mizawngte le a tasamte in na min phat uh hen. ab
22 Pasian aw, tho inla na thu gum in; ac
mihaite in sun niloh a nang hong simmawhzia uh phawk in. ad
23 Nang hong langpangte awging le
na galte husa thusim lo kei in. ae
Copyright information for
ZomZIV